کاکٹیل گھر لانے سے پہلے ڈاکٹر کا انتخاب کر لیں

کاکٹیل گھر لانے سے پہلے ڈاکٹر کا انتخاب کر لیں

جب بھی کوئی مجھ سے پوچھتا ہے کہ کاکٹیل خریدنے سے پہلے کیا کرنا چاہیے، تو میرا پہلا جواب یہی ہوتا ہے: ”سب سے پہلے ایک اچھا ایویئن ڈاکٹر ڈھونڈ لیں۔”

پرندے کو گھر لانے سے پہلے ہی ویٹرنری ڈاکٹر کا بندوبست کر لینا بہت فرق ڈالتا ہے۔ ایمرجنسی کے وقت بھاگ دوڑ کرنے سے بہتر ہے کہ پہلے سے ہی تعلق قائم ہو۔

شروعات کرنے کے لیے اپنے علاقے کے کلینک کو کال کریں اور چند بنیادی سوالات پوچھ لیں۔ اس سے آپ کو بھی اندازہ ہو جائے گا اور ڈاکٹر کو بھی پتہ چل جائے گا کہ آپ سنجیدہ برڈ اونر ہیں۔

صحیح ڈاکٹر کا انتخاب کیسے کریں؟
ہر ڈاکٹر پرندوں کا علاج نہیں جانتا۔ زیادہ تر ڈاکٹرز کتوں اور بلیوں کے عادی ہوتے ہیں۔
اگر آپ صرف 1-2 پالتو کاکٹیل رکھتے ہیں تو “پالتو برڈ ویٹ” آپ کے لیے کافی ہے۔
لیکن اگر آپ کا بریڈنگ سیٹ اپ ہے تو آپ کو ایسے ڈاکٹر کی ضرورت ہوگی جو بڑی تعداد میں پرندوں کو سنبھال سکے۔

یہ 3 باتیں ضرور چیک کریں:
*1۔ وقت:* کیا کلینک کے اوقات آپ کے شیڈول سے ملتے ہیں؟
*2۔ ہوم وزٹ:* اگر بڑی ایویری ہے تو کیا ڈاکٹر گھر آ کر چیک کر سکتا ہے؟
*3۔ ایمرجنسی:* کیا رات 3 بجے بھی مدد مل سکتی ہے؟ پرندے بیماری اور چوٹ بہت اچھی طرح چھپاتے ہیں۔ جب تک پتہ چلے اکثر دیر ہو چکی ہوتی ہے۔

فیس کے بارے میں پوچھنے سے نہ گھبرائیں

علاج بعض علاقوں میں مہنگا ہو سکتا ہے۔ بہتر ہے پہلے ہی خرچے کا اندازہ ہو جائے۔
ایسا نہ ہو کہ ایمرجنسی میں اخراجات کی وجہ سے آپ اپنا پیارا کاکٹیل کھو دیں۔ پہلے سے تیاری ہی جان بچا سکتی ہے۔

میرا ذاتی تجربہ

الحمدللہ میرے ڈاکٹر ایمرجنسی میں گھر آ کر چیک کرتے ہیں۔ اگر وہ چھٹی پر ہوں تو ان کے پاس بیک اپ کا انتظام بھی ہے۔ کلینک 24 گھنٹے ایمرجنسی کے لیے کھلا رہتا ہے۔

میں نے اپنے لیے یہ روٹین بنائی ہوئی ہے:
- سال میں ایک بار تمام پرندوں کا مکمل چیک اپ
- جو چوزے ابھی self ہوں، انہیں ایویری میں رکھنے یا فروخت کرنے سے پہلے ڈاکٹر سے چیک کروانا
- نئے خریدے گئے پرندوں کا قرنطینہ کے دوران ہی معائنہ کروانا

اس سے 2 فائدے ہوتے ہیں: اگر کوئی مسئلہ ہو تو فوراً ٹھیک ہو جاتا ہے، اور ہمیں پتہ چل جاتا ہے کہ اس مخصوص پرندے کے لیے “نارمل” کیا ہے۔

سب سے عجیب لیکن سب سے ضروری بات: *پوسٹ مارٹم / Necropsy سروس*۔
یہ سن کر برا لگتا ہے، لیکن اگر گھونسلے میں کوئی چوزہ اچانک مر جائے تو وجہ جاننا میرے بریڈنگ پروگرام کے لیے بہت ضروری ہے۔ تاکہ مسئلے کو فوراً ٹھیک کیا جا سکے۔

میرے ڈاکٹر میری بریڈنگ کے انتظام کا ایک اہم حصہ بن چکے ہیں۔ ان کی لگن اور علم کی وجہ سے ہی مجھے کامیابی ملی ہے۔

آخری بات

*ڈاکٹر کا انتخاب دانشمندی سے کریں!*
میری دعا ہے آپ کو کامیابی ملے۔ آپ کو بھی اندازہ ہو جائے گا کہ ایک اچھا ایویئن ڈاکٹر کتنا بڑا اثاثہ ہوتا ہے۔