کا مسئلہ بچوں میں کیسے حل کریں "Sour Crop”

بچوں میں Sour Crop” کا مسئلہ کیسے حل کریں

بہت سے لوگ “Sour crop” کا لفظ اس وقت استعمال کرتے ہیں جب چوزے کے پوٹے سے خوراک وقت پر خالی نہ ہو۔
لیکن اسے ایک الگ بیماری سمجھنا غلط ہے۔ “Sour crop” کا کوئی خاص جراثیم یا فنگس نہیں ہوتا۔
پوٹے کا سست ہو جانا ہمیشہ کسی اور مسئلے کی علامت ہے۔ جیسے: بروڈر ٹھنڈا ہونا، فارمولا ٹھنڈا دینا، بستر کا میٹریل کھا لینا، یا اندر کوئی بیکٹیریا/فنگس کا انفیکشن۔

کب پریشان ہوں؟
جب یہ 2 نشانیاں نظر آئیں:
*1۔* اگلی خوراک کا وقت ہو اور پوٹا ابھی بھی بھرا ہو
*2۔* صبح اٹھ کر پوٹا بالکل خالی نہ ہو

فوری کیا کریں؟

*1۔ گرمی + کاغذ کا بستر*
چوزے کو فوراً گرم بروڈر میں شفٹ کریں۔ تقریباً 97-98°F۔ بس اس حد سے کم جہاں چوزہ ہانپنے لگے۔
بستر ہٹا کر نیچے سفید کاغذ بچھا دیں تاکہ پوپ چیک کر سکیں۔ اگر پوپ آ رہا ہے تو یہ اچھی علامت ہے۔ مطلب نظام مکمل بند نہیں ہوا۔

*2۔ ایویئن ڈاکٹر کو کال کریں*
ڈاکٹر ٹیسٹ کر کے بتا سکتا ہے کہ مسئلہ فنگس کا ہے، بیکٹیریا کا ہے یا کوئی اور وجہ۔
وہ پوٹا محفوظ طریقے سے خالی کر کے فلش بھی کر دے گا اور دوائی بھی دے گا۔

اگر ڈاکٹر دستیاب نہ ہو تو؟
پوٹے میں پرانی خوراک چھوڑنا بہت خطرناک ہے۔ اس میں بیکٹیریا اور فنگس بڑھ جائیں گے اور چھوٹا مسئلہ جان لیوا بن جائے گا۔ چاہے وجہ صرف ٹھنڈا فارمولا ہی کیوں نہ ہو۔

*چوزے کو الٹا کر کے پوٹا “دبانے” کی غلطی مت کریں۔*
اس سے خوراک پھیپھڑوں میں جا سکتی ہے اور چوزہ فوراً یا چند گھنٹوں میں مر سکتا ہے۔

*محفوظ طریقہ: نرم ربڑ کی فیڈنگ ٹیوب + سرنج*
کاکٹیل کے لیے #10, #12, #14, #16 سائز کی ٹیوب رکھیں۔
ٹیوب کا بڑا سرا 60cc والی سرنج پر لگائیں۔ دوسرا سرا نرمی سے پوٹے میں ڈالیں اور سرنج کھینچ کر خوراک باہر نکالیں۔
چھوٹی ٹیوبیں جلدی بند ہو جاتی ہیں، خاص کر اگر باجرہ یا لکڑی کا برادہ ہو۔ اگر بند ہو جائے تو کپ میں خالی کر کے دوبارہ کوشش کریں۔

*پوٹے کا مواد کیا بتا رہا ہے؟*
*لکڑی کا برادہ یا سارا باجرہ* = پوٹا بند ہو گیا ہے
*سفید دہی جیسے ٹکڑے* = ممکنہ طور پر Candida فنگس
*بدبودار اور لیس دار مواد* = بیکٹیریل انفیکشن

بہت چھوٹے چوزے میں ٹیوب نہیں جاتی۔ تب مجبوراً پوٹا دبانا پڑتا ہے۔ رسک ہے، لیکن یوں چھوڑنے سے چوزہ بھوک اور پانی کی کمی سے آہستہ مر جائے گا۔

خالی کرنے کے بعد کیا کریں؟
خالی کرنے کے بعد آپ دوبارہ تھوڑا پانی ڈال کر نکالیں گے۔ تاکہ اندر کی گندگی بھی نکل جائے۔
چوزے کو واپس گرم بروڈر میں رکھیں۔
اگر آپ کے پاس ہے تو *0.5cc Nystatin* دے دیں۔ یہ فنگس کی سب سے بہترین دوائی ہے۔ یہ جسم میں جذب نہیں ہوتی، اس لیے محفوظ ہے۔ لیکن یہ تبھی کام کرے گی جب پوٹا خالی ہو۔

5 منٹ بعد 5-10cc نیم گرم ابلا ہوا پانی یا بچوں والا “الیکٹرولائٹ” پلائیں۔
اگر 2-3 گھنٹے میں یہ ہضم ہو جائے تو اگلی خوراک بہت پتلی فارمولا دیں۔ اگلے 24 گھنٹے میں آہستہ آہستہ گاڑھا کرتے ہوئے نارمل 2 حصے پانی : 1 حصہ پاؤڈر پر آ جائیں۔

*یاد رکھیں: بھوک سے پہلے پانی کی کمی مار دیتی ہے۔* اس لیے سب سے ضروری مائع ہے۔

اگر پانی بھی نہ ہضم ہو تو فوراً ڈاکٹر کے پاس لے جائیں۔ وہ IV ڈرپ اور پوٹا چلانے والی انجکشن لگا سکتا ہے۔

*ہلکے کیس کے لیے:* اگر رات کو تھوڑی خوراک رہ گئی ہو تو 5-10cc الیکٹرولائٹ + پوٹے کی ہلکی مالش کریں۔ اگر 1 گھنٹے میں پوپ آ جائے تو امید ہے۔ پھر صرف مائع دیں، بعد میں پتلی خوراک۔
سنہری اصول: کبھی بھی پرانی خوراک کے اوپر نئی خوراک مت دیں۔

بدبودار پوپ کا کیا مطلب ہے؟
اگر والدین سے لیے گئے چوزوں کا پوپ بہت بدبودار ہے تو 99% یہ والدین سے آیا ہوا بیکٹیریل انفیکشن ہے۔ عام طور پر _E.coli_ یا _Clostridium_۔ Giardia بھی وجہ ہو سکتی ہے۔ اس کے لیے اینٹی بایوٹک لازمی ہے۔

بہترین یہ ہے کہ “کلچر ٹیسٹ” کروایا جائے۔ لیکن تجربہ کار بریڈرز اکثر ڈاکٹر کی اجازت سے *Enrofloxacin* گھر پر رکھتے ہیں۔

*احتیاط:* اینٹی بایوٹک دینے سے اکثر فنگس بڑھ جاتی ہے۔ اس لیے ڈاکٹر ساتھ میں Nystatin بھی دیتے ہیں۔
اگر ایک ہی جوڑا بار بار ایسے بیمار چوزے دے تو والدین کا علاج کروائیں۔ ورنہ اگلی بریڈ میں بھی یہی مسئلہ آئے گا۔

آخری بات
لوگ کہتے ہیں بڑے طوطے پالنا مشکل ہے۔ میرے تجربے میں *کاکٹیل سب سے زیادہ فنگس اور بیکٹیریا کے مسائل دیتے ہیں* ہینڈ فیڈنگ کے دوران۔
Zee Aviary